Candia: “o resultado das pasadas eleccións municipais nos lexitima para gobernar na Deputación e no Concello”

A presidenta provincial do PP, Elena Candia, destacou esta tarde que “o resultado das pasadas eleccións nos lexitima para gobernar” e, polo tanto, “reivindicamos que se nos deixe materializar o noso proxecto para que os lucenses vexan que fronte a un escenario de pugnas e pouco entendemento; hai un Partido que non está debatendo por sillóns, senón que está planificando un proxecto para a provincia de Lugo”.

Foi durante a reunión da xunta directiva onde os populares analizaron os resultados electorais das pasadas eleccións do 26-M na provincia de Lugo e na que tamén participou o presidente do PPdeG, Alberto Núñez Feijóo. Candia quixo agradecer “a toda a xente que nos apoiou e que fixo que o PP gañara as eleccións na nosa provincia”. De feito, o Partido Popular é o partido con máis representantes na Deputación Provincial –onde volve contar cun total de 12 deputados, a un da maioría absoluta-. E a pesar de non chegar á maioría na Deputación, o Partido Popular obtivo os mellores resultados de Galicia (39,18%) e Lugo sitúase como a única provincia galega onde sube en porcentaxe de voto (+0,15%).

A presidenta dos populares lucenses interpreta, por outra parte, que “o partido que se atopa no Goberno da Deputación perdeu a confianza dos veciños e veciñas” tal e como se deriva “da perda dun deputado”.

A nivel municipal, a máxima dirixente do PP de Lugo puxo tamén en valor o aumento da representación do PP na cidade de Lugo “onde tamén gañamos as eleccións”. Nese sentido, “o máis lexítimo e o máis xusto sería que gobernaramos. Estamos perfectamente preparados para liderar un Goberno que antepoña ante todo os intereses dos veciños e veciñas tanto na cidade de Lugo coma na nosa provincia”.

Novas relacionadas

  1. Avatar
    Luis Díaz
    Xuñ 07, 2019 - 08:22 PM

    Señora … una organización corrupta y ladrona , solo está legitimada para devolver lo robado y marcharse .

    Reply
  2. Avatar
    José Manuel González Díaz
    Xuñ 07, 2019 - 07:43 PM

    Igual que en Andalucia?

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo