CC.OO leva a Correos ante a Audiencia Nacional por esquirolaxe empresarial polas folgas convocadas en maio

CCOO, sindicato maioritario en Correos e no Sector Postal, denunciou a Correos ante a Audiencia Nacional polas medidas, segundo afirman, de esquirolaxe patronal adoitadas e impostas pola empresa nas xornadas de folga convocadas xunto a outros sindicatos, os días 30 de abril e 4, 13, 14, 15, 21 e 22 de maio.

O sindicato afirma que ao longo do proceso de mobilizacións desenvolvido, Correos puxo en práctica medidas como a contratación temporal de traballadores no período de convocatoria de folga, a realización de horas extraordinarias, ou o  desvío masivo de envíos a outros centros de traballo e a outras empresas alleas ao Grupo Correos, así como a apertura de centros de traballo fóra do seu horario habitual.

CC.OO  lembrou que o conflito que vive a maior empresa do sector público vén motivado “polo enorme recorte de emprego -15.500 postos nos últimos cinco anos, mais de 100 en Lugo e provincia, e 11.000 en o que levamos de lexislatura-, polo recorte salarial dos seus 52.000 traballadores -cuxos soldos levan conxelados cinco anos- e polo bloqueo na negociación dun novo Convenio para o que o sindicato esixe máis equipo fixo, recuperación salarial e de dereitos”.

Finalmente, CC.OO insistiu en que tras as folgas convocadas en maio, o conflito seguirá aberto “ata que o Goberno non concrete as medidas anunciadas para consolidar emprego nin adopte as medidas necesarias para garantir a recuperación salarial e de dereitos esixida polos traballadores e traballadoras”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com