Ante a alta demanda do público os Codex Cinema manteñen en carteleira unha semana máis o filme “Julia”. Terá un pase o xoves ás 20:30h e o domingo ás 18:00h. “Julia”, un documental de Jacobo Lagúella que rinde homenaxe a todas as nosas avoas e o seu inquebrantable legado.
Asemade o venres 29 estrean a nova película do director vasco Víctor Erice “PECHAR OS OLLOS”. Erice que regresa a grande pantalla cunha película memorable. Unha emocionante obra testamentaria que o director aproveita para axustar contas con esas películas inacabadas ou imaxinadas. Brillante cuarta longametraxe da carreira do cineasta vasco.
Sinopse: un famoso actor español, Julio Arenas, desaparece durante a rodaxe dunha película. Aínda que nunca se a atopa o seu cadáver, a policía conclúe que sufriu un accidente á beira do mar. Moitos anos despois, este suceso recupera actualidade a partir dun programa de televisión que pretende lembrar a figura do actor, ofrecendo como primicia imaxes das últimas escenas nas que participou, filmadas por quen foi o seu íntimo amigo, o director, Miguel Garay.
E a outra estrea da semana será “MONSTRO”. Filme xaponés baixo a dirección de Hirokazu Koreeda que nos mostra un drama virtuosos e laberintico con alma de quebracabezas. É unha película rica en sentimentos escondidos, en frustracións e en conflitos actuais; un conmovedor melodrama sobre como nos precipitamos á hora de xulgar.
Sinopse: cando o seu fillo adolescente comeza a comportarse de maneira estraña, a nai intúe que algo vai mal. Ao descubrir que o responsable de todo é un profesor, irrompe na escola esixindo explicacións. Pero a medida que a historia se desenvolve a través dos ollos da nai, do profesor e do neno, a verdade vai saíndo á luz, pouco a pouco,…
