A estrada provincial LU-P-2601, que comunica Xove co Portiño de Morás, permanecerá cortada ao tráfico en varios treitos desde o martes 13 ata o venres 16 de outubro, ambos os días incluídos, debido ao inicio dos traballos de aglomerado en quente.
Os cortes afectarán ao tramo comprendido entre o punto quilométrico 2,800 e o final da vía, onde se desenvolverán as actuacións de mellora do firme.
Para facilitar a circulación durante a execución das obras, habilitaranse desvíos alternativos que estarán debidamente sinalizados.
Recoméndase ás persoas usuarias desta estrada que extremen a precaución e que planifiquen os seus desprazamentos tendo en conta as restricións de tráfico previstas durante estes catro días.
Foto: arquivo
