" />

Descenso de positivos malia a suba de casos na UCI

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 8.275 deles 1.457 son da área sanitaria de Lugo. Que hoxe rexistra un novo descenso no número de hospitalizados.
E é que nas plantas de hospitalización da provincia hai un total de 28 pacientes covid fronte os 31 que se contabilizaban o pasado venres. Así, e malia que o Hospital de Monforte suma un novo ingreso con 3 persoas en total infectadas fronte as 2 que se rexistraban o venres, o certo é que o número total descende logo de que o HULA rexistrara durante a fin de semana 4 altas hospitalarias, así, o Lucus Augusti queda hoxe con 22 pacientes covid en planta e 4 na UCI, un número que tamén aumenta logo da fin de semana. Pola súa banda, o Hospital da Costa continúa a rexistrar tan só 3 pacientes covid, todos en unidades convencionais.
Doutra banda, o número de positivos descendeu onte en comparanza cos días anteriores, un feito que tende a repetirse os domingos e que, logo das últimas semanas con esa tendencia non quere dicir que as cifras estén a mellorar. Así, segundo revela o SERGAS no seu último informe, con datos recabados ata as 6 da tarde de onte, foron 71 as persoas que resultaron positivas nalgún dos test diagnósticos realizados polo SERGAS.
No conxunto de Galicia, do total de pacientes positivos, 54 están en UCI, 201 en unidades de hospitalización e 8.020 no domicilio. Polo de agora, en Galicia hai un total de 167.418 persoas curadas, rexistrándose 2.564 falecementos.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo