Un presunto violador foi detido esta madrugada en Lugo acusado de intentar agredir sexualmente a unha muller nun portal do centro da cidade. O home, de 30 anos de idade e natural de Rumanía foi detido tras a alerta dun veciño que oíu os gritos de auxilio da vítima.
O veciño da muller, intentou axudala e chamou á Policía, momento no que o presunto agresor fuxiu do lugar dos feitos. Axentes da Policía Nacional activaron nese mesmo momento un dispositivo de busca que rematou coa detención do individuo, do que se está a investigar a súa relación con outros casos de agresión ocorridos recentemente na cidade.
O detido permanece na Comisaría da Policía Nacional á espera de pasar a disposición xudicial.
