" />

Detidos os presuntos autores de numerosas estafas na provincia en relación coa venda de alarmas

A Garda Civil, no marco da operación ANSEDY, detén na provincia a tres veciños das localidades de Rábade, Baamonde e Lugo, de 46, 36 e 34 anos de idade como presuntos autores dos delitos de pertenza a grupo criminal, estafa, usurpación de estado civil e falsificación de documento mercantil.

A banda actuaba realizando contratacións fraudulentas de sistemas de alarma en vivendas e locais comerciais da provincia, amparándose no marco da actividade laboral que desenvolvían para unha empresa do sector da seguridade. Os concellos afectados, segundo explica a Garda Civil, son os de  Lugo, Sarria, Meira, Guitiriz, Baamonde, Vilalba, Monforte de Lemos, Pol, Guntín, Boveda, Begonte e Outeiro de Rei.

Os feitos foron acometidos ente outubro de 2016 e xaneiro de 2018; período no que se detectaron multitude de perxudicados, que, en ocasións enterábanse tras denegarselles a concesión dalgún crédito por estar inscritos na ASNEF polo impago de cuotas dun servizo de alarma que nunca contrataran.

A investigación dos Ilícitos penais, conduciu aos axentes ata os presuntos autores, os cales valéndose da súa condición de operarios e comerciais de empresa de seguridade, e actuando coordinadamente e mediante distribución de tarefas, obtiñan datos de supostos clientes, para realizar contratacións ficticias, coa finalidade de acceder a distintas bonificacións coas que a empresa de seguridade compensaba aos seus empregados, chegando a obter entre os integrantes do grupo criminal unha elevada contía económica.

Estas persoas xa foron postas a disposición do Xulgado de Instrución número 3 de Lugo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo