Dobre de positivos nunha xornada na que continúan os casos en descenso

A Covid 19 continúa a deixar positivos na nosa provincia, eso si, en moita menos medida, e cun descenso diario do número de casos activos. Tanto é así que no último informe do SERGAS, con datos recompilados ata as 6 da tarde de onte, contabilizanse un total de 226 infeccións activas, 15 menos anterior.

Dende logo boas novas con respecto ao avance da quinta vaga. Se ben é certo que houbo unha baixada significativa deste baremo a pasada semana que se alonga no tempo, tamén o é que os positivos detectados continúan estancados en torno á decena diaria malia o baixón do día de onte. Así, hoxe Lugo dobra o número de positivos detectados pasando dos 4 casos onte, aos 8 de hoxe.

Mantense tamén a presión asistencial nas cifras de onte. Un total de 9 persoas permanecen hoxe ingresadas nos diferentes centros hospitalarios da provincia, deles 2 están na UCI do HULA, a única que conta nestes intres con pacientes covid.

En plantas de hospitalización, hai un total de 7 pacientes con infección polo virus da Covid. No HULA, nas últimas horas, rexistráronse un total de 3 pacientes, en Monforte 3 e un está no Hospital da Mariña.

Dende o comezo da pandemia, o SERGAS notificou 249 falecementos na provincia. Con todo, non podemos deixar de celebrar as 19.410  persoas que xa superaron a enfermidade dende o inicio da pandemia.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com