As asociacións ecoloxistas Adega e Mariña Patrimonio denunciaron danos en ata 40 xacementos arqueolóxicos causados polos labores asociados á explicación forestal do eucalipto por parte das industrias. Entre estes xacementos afectados figuran 2 abrigos paleolíticos, 21 mámoas, 14 castros, 1 xacemento medieval e 2 de idade indeterminada.
As asociacións ecoloxistras salientan que a provincia de Lugo é unha área “intensamente eucaliptizada”, e que nos últimos cinco anos xa se presentaron ata 56 denuncias por danos ao patrimonio histórico-arqueolóxico causado por accións como plantacións, cortas, apertura de pistas, rozado con maquinaria pesada ou outras actividades.
Para estas dúas asociacións, boa parte dos xacementos arqueolóxicos da provincia (uns 500) estarían afectados nalgunha medida polos labores asociados á explotación forestal do eucalipto.
“Coidamos que estas 40 novas denuncias són só unha pequeña mostra, a punta do iceberg do que pode estar a acontecer en moitos montes galegos submetidos á ditadura do eucalipto. Extrapolando os datos ao preto do medio millón de hectáreas eucaliptizadas en Galiza, a magnitude da afección patrimonial (con danos por veces irreparábeis sobre o ben, chegando mesmo até a desaparición do xacemento) e o impacto cultural asociado, podería ser inmensa”, salientan Adega e Mariña Patrimonio.
