En Marea organiza en Lugo unha mesa redonda aberta ao público para defender a despenalización da eutanasia e do suicidio asistido, unha despenalización que esta mesma semana entrantante defenderá no Parlamento de Galicia. Esta mesa redonda, terá lugar maña, 27 de xaneiro no Centro Social Uxío Novoneyra ás 19:30 horas e forma parte das actividades realizadas por En Marea en toda Galicia e que se iniciou meses atrás coa celebración dunhas xornadas parlamentarias sobre a necesidade de despenalizar en España a eutanasia.
No acto participarán, ademais do voceiro de En Marea, Ascensión Cambrón, da asociación Dereito a Morrer Dignamente, Delia Guitián, psicóloga clínica e coordinadora da Unidade de saúde mental de Lugo. Esta mesa redonda ten como obxectivo debatir a necesidade desta despenalización e explicar a posición e as inciativas realizadas por En Marea durante estes últimos tempos para conseguir o que Luís Villares considera que é “un dereito fundamental das persoas, ter un final de vida digno”.