O Encontro de Mulleres con Discapacidade Intelectual celebrarase entre o 24 ao 26 de setembro na Aldea do Mazo (Lugo), a través do del “pretendemos promover novos vínculos e alianzas entre mulleres nun ambiente formativo e lúdico. O escenario tampouco é casual: unha contorna natural coa que reivindicaremos a necesidade de visualizar ás mulleres do rural”.
As xuntanzas contarán cunha mesa redonda sobre as mulleres con discapacidade intelectual no ámbito rural, obradoiros de expresión corporal e artística e novos retos que están por vir.
O acto principal terá lugar o día 26 coa presentación da nova curtametraxe da Federación “Lilith“, unha antoloxía de relatos que abordarán dende unha perspectiva poética as dificultades, a intolerancia e o sufrimento das mulleres con discapacidade intelectual. Centrado no implícito por enriba do explícito, trataranse temas como a maternidade, a culpa, a infantilización a sexualidade ou o descoñecemento social que hai cara a discapacidade intelectual.
A inscrición para participar neste encontro permanecerá aberta ata o vindeiro 16 de setembro, (inscrición que podedes atopar neste link) e deberá enviarse cumprimentada a areasocial@fademga.org
