" />

Entrega de diplomas aos 20 participantes no obradoiro Ribadeo Alén do Camiño

Vinte persoas que participaron no obradoiro de emprego Ribadeo Alén do Camiño, financiado pola Administración autonómica con 471.800 euros e promovido polo Concello de Ribadeo, recibiron os diplomas acreditativos da súa participación.

O delegado territorial do Goberno galego, Javier Arias, asistiu á clausura acompañado polo alcalde ribadense, Fernando Suárez -entre outras persoas-, e subliñou que a Xunta destinou no último ano case 1,2 millóns de euros a financiar tres talleres de emprego neste municipio. Así, ademais do que agora finaliza, apuntou que proximamente comezará RibadeoXCamiño, aprobado na última convocatoria de obradoiros duais e financiado pola Xunta con 347.000 euros; e xa está en marcha desde finais de setembro o taller de garantía xuvenil Vencellos da Memoria, compartido co municipio de Barreiros, cunha achega autonómica de 369.500 euros. En total, mellorarán a formación de 56 alumnos e alumnas.

En canto á iniciativa que remata, dez dos participantes adquiriron coñecementos sobre confección e publicación de páxinas web e os outros dez sobre promoción turística. O programa que desenvolveron estivo relacionado coa divulgación do Camiño de Santiago ao seu paso por Ribadeo, mediante a creación de puntos de información turística, a realización de estudos sobre o turismo no concello ou a organización de actividades promocionais. Tamén se creou unha páxina web e se difundiron contidos en redes sociais. Como consecuencia da pandemia da covid-19 prorrogouse tres meses máis do previsto, o que obrigou a incrementar a achega da Xunta en 126.100 euros.

Arias subliñou que a formación que se imparte nos obradoiros “está adaptada aos perfís máis demandados no mercado laboral e nas empresas das zonas nas que se desenvolven, mellorando as capacidades profesionais dos participantes para que poidan optar a un posto de traballo”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo