Unha muller falecida e dúas persoas feridas son o resultado dun accidente que tivo lugar esta noite en Viveiro. Arredor das 00.00 horas, o turismo no que viaxaban as tres persoas colisionou contra un camión estacionado na LU-539, moi preto da rotonda da Misericordia.
Ao lugar desplazáronse efectivos da Garda Civil, bombeiros, Urxencias Sanitarias e Protección Civil de Viveiro. Ao chegar ao lugar do accidente, un dos tres ocupantes estaba xa fóra do vehículo, pero os outros dous permanecían no seu interior. Foi precisa a intervención dos bombeiros para excarceralos.
Unha vez fóra, o persoal sanitario certificou o pasamento dunha muller pola que non puideron facer nada. Tamén trasladaron aos dous feridos, un home e unha muller, ao Hospital de Burela.
