" />

Fervenza de Sargadelos e Mariña Patrimonio celebran cunha exposición o Día Internacional do Patrimonio Mundial

Con motivo do Día Internacional do Patrimonio Mundial, que se celebra o 16 de novembro, as asociacións culturais Fervenza de Sargadelos e Mariña Patrimonio súmanse á iniciativa da Rede do Patrimonio Cultural para conmemorar esta efeméride.

A súa achega consistirá nunha exposición de útiles do paleolítico, achados nos últimos anos de forma casual en distintos lugares da Mariña. Estes útiles serán depositados, rematada a exposición, no Museo Arqueolóxico de Vilalba, seguindo as indicacións de Patrimonio.

A exposición poderase visitar do 16 ao 30 de novembro na Casa do Concello de Cervo, de luns a venres, en horario de 09.00 horas a 14.00 horas. Por outra banda, o 23 de novembro está previsto realizar pola mañá unha actividade con alumnado do IES Marqués de Sargadelos que, ademais de visitar a exposición, asistirán a unha charla informativa sobre o paelolítico e participarán nun obradoiro de fabricación de útiles líticos. Ese mesmo día pola tarde, ás 20.00h, o Director do Museo Arqueolóxico de Vilalba, Eduardo Ramil Rego, impartirá unha conferencia sobre os primeiros poboadores de A mariña.

Tanto a exposición coma os diferentes actos, contan coa colaboración do Museo Arqueolóxico de Vilalba, da Asociación de Amigos do Museo de Vilalba e mais do Concello de Cervo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo