" />

Galicia adianta as vacinacións dos nenos e ampliará a esixencia de certificado covid

O presidente da Xunta de Galicia, Alberto Núñez Feijóo, avanzou esta mañá, trala sesión de Control ao Goberno, que  Galicia adiantará as primeiras vacinacións dos nenos de entre 11 e 9 anos de idade para realizalas entre o 15 e o 18 de decembro diante do gran aumento de casos na área educativa.

Asemade, o presidente adiantou tamén que a finalización da vacinación do grupo de entre 60 e 69 anos se adiantará ata o 13 de decembro, cando nun primeiro momento contaban rematar as vacinacións de esta franxa de idade o 19 deste mes.

Malia que son medidas que o subcomité clínico que asesora á Xunta terá que confirmar esta tarde, o certo é que o presidente da Xunta asegurou que, de ter máis vacinas para os nenos, continuaría a inoculación polos nenos de entre 5 e 9 anos. Para eles, precisamente, está pensada unha nova medida que será establecida polo Goberno Galego. E é que os pais disporán nas farmacias de test de antíxenos gratuitos para poder facerlle ás probas aos nenos de entre 5 e 11 anos e corroborar se están contaxiados. No caso de que o test saia positivo, o SERGAS confirmará o contaxio realizando unha PCR.

Outra medida que o subcomité clínico terá que acotar será a posible redución no número de persoas non conviventes que se poden xuntar en espazos pechados. Neste senso, o presidente do Executivo Autonómico aclarou que a recomendación, nun principio, sería que as reunións non excedan de 8 ou 10 persoas e, de ser posible, que se reduzan ao ámbito familiar. Con todo, deberá concretalo o subcomité clínico.

Por último, o presidente galego avanzou que o subcomité clínico valorará ampliar a esixencia do certificado Covid a outros ámbitos como os eventos multitudinarios ou os cinemas. Lembramos que xa é obrigatorio nos restaurantes, lecer nocturno e bares a partires das 9 da noite, entre outros.

Novas relacionadas

Unha resposta

Deixa unha resposta
  1. Anónimo
    Dec 10, 2021 - 09:06 PM

    ¡Bo Nadal! A divertirse coas Cañas e a ceas con marisco. A finais de Xaneiro falamos.

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo