" />
Reixtro Civil

Goberno e Xunta impulsan un novo acordo para regular a seguridade dos edificios xudiciais en Galicia

A subdelegada do Goberno na Coruña, María Rivas, presidiu o venres, xunto ao director xeral de Xustiza da Xunta de Galicia, a reunión da Comisión de Seguimento do Convenio entre o Ministerio do Interior e a Xunta en materia de seguridade dos edificios xudiciais de Galicia, na que se acordou avanzar na redacción dun novo convenio que regule a vixilancia das diferentes sedes xudiciais existentes na comunidade autónoma.

Na reunión telemática, os integrantes da Comisión Mixta de Seguimento do Convenio entre o Ministerio do Interior e a Xunta de Galicia coincidiuse na conveniencia de impulsar a redacción dun novo convenio que regule a colaboración das Forzas e Corpos de Seguridade do Estado para a garantía da seguridade nos edificios xudiciais da Comunidade Autónoma para o seguinte cuadrienio.

Tamén se decidiu revisar diversas cuestións técnicas e operativas para a mellora permanente do servizo que se presta baixo o amparo deste convenio e que garante a vixilancia dos diferentes edificios xudiciais por parte das Forzas e Corpos de Seguridade do Estado.

Entre outras cuestións tratouse ademais a remodelación dos servizos para dar cobertura á nova realidade dos servizos xudiciais na cidade de Vigo, no que se dispoñerá o traslado de órganos xudiciais á nova sede da Cidade da Xustiza.

Esta comisión está integrada por representantes do Goberno de España, neste caso a subdelegada do Goberno na Coruña, así representantes da Xunta de Galicia e da Garda Civil e Policía Nacional.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo