Izada a bandeira azul na Praia do Torno en San Cibrao

A bandeira azul ondea xa na praia do Torno, en San Cibrao, a insignia, que premia a xestión ambiental do concello, foi izada polo alcalde, Alfonso Villares, a tenente-alcalde, Dolores García Caramés e o edil de Turismo, David Rodríguez, acompañados por varios traballadores municipais.

Ademais, desde esta fin de semana xa locen tamén a bandeira Ecoplayas concedida por sétimo ano consecutivo, a de praia sen fume e tamén o distintivo de Sendeiro Azul, que “recoñece o valor medioambiental desta ruta” e pon de manifesto “o compromiso municipal co turismo sustentable e de calidade”, precisou o rexedor. Dende este venres, e durante dous meses, xa está operativo tamén o servizo de socorrismo para velar pola seguridade dos bañistas.

O rexedor sinalou que “volver contar coa bandeira azul, outorgada pola calidade das augas e os servizos que ofrece o areal, é unha boa nova para Cervo “ Asemade puxo de manifesto que “aínda que O Torno é a praia que ten bandeira azul, todos os areais do Concello contan cuns servizos axeitados a disposición dos usuarios, e cunha calidade óptima para o baño”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com