Esta tarde en conferencia de prensa a alcaldesa Lara Méndez confirmaba a noticia que esta mañá sorprendeu a veciñas e veciños da nosa cidade, o abandono da alcaldía para “acompañar a José Ramón Gómez Besteiro nun proxecto gañador, necesario e urxente”.
Así as cousas as especulacións comezaron a producirse por ver quen podería ser a persoa que ocupará a cadeira vacante, unha vez que Méndez presente a súa dimisión. Por lóxica o primeiro tenente de alcaldesa , Miguel Fernández tería todas as papeletas para ocupar o cargo, pero neste momento, e segundo informacións da súa contorna, hai dúas compañeiras do edil que tamén estarían nas listas de posibles candidatas, Paula Alvarellos e Ana González Abelleira, pero para elo serían necesarias, unha ou máis dimisións.
