O concello de Lugo, súmase á homenaxe a Rosalía de Castro, insitucionalizada pola Asociación de Escritoras e Escritores en Lingua Galega. Para elo o Concello organiza unha lectura pública, xunto con Ágora Cultural, da obra de Rosalía de Castro este venres, xusto o día cando se cumpre o 180 aniversarios do seu nacemento.
Carmen Basadre fixo un chamamento para que toda aquela persoa interesada en participar se achegue á Praza Maior, de 12:00 a 14:30 horas. Antes do comezo de dita lectura lerase un manifesto. “Queremos homenaxear a esta gran muller de prestixio internacional que contribuíu, de xeito fundamental, ao rexurdimento da literatura en lingua galega, sendo precursora da poesía moderna en España” subliñou a edil, quen tamén agradeceu a de ambos os dous colectivos se involucraran para desenvolver este acto.
Todo aquel que queira participar nesta lectura pública soamente se terá que achegar aos soportais da Casa do Concello mentres dure o acto, participando na lectura seguindo a orde na que vaian chegando.
Achegamento de Rosalía aos máis cativos
Tamén en homenaxe a Rosalía, mañá xoves, ás 18:30 horas, na Bibilioteca Municipal, terá lugar un contacontos, unha actividade enmarcada dentro da programación de animación á lectura do Concello. Marisa Irimia será a encargada de achegar a poesía e os contos da insigne poetisa aos máis cativos.
Esta actividade, de 50 minutos de duración, vai encamiñada a nenos a partir dos 4 anos, cun aforo máximo de 40 persoas. As invitacións (máximo dúas por persoa) xa se poden retirar na propia biblioteca en horario de tarde, a partir das 16:30 horas.
