A Concelleira de Educación, Formación e Orientación Laboral, Esther Muñóz, informou esta mañá do comezo dunha nova edición do programa de animación á lectura e á creación plástica QONTARTE 2015.
Esther Muñóz sinalou que “libro e lectura son un punto de partida desde o cal podemos entender o mundo, botar a andar o maxín e desenvolver a creatividade nos nenos e nenas e á creación artística para desenvolver o espírito crítico na infancia”. Poderán solicitalo os colexios públicos da cidade de maneira gratuíta.
Así, con motivo da celebración do Dia do Libro Infantil e o Dia do Libro e a partir do 23 de abril vaise a levar a cabo esta campaña de animación á lectura e dirixido a nenos e nenas de 4º, 5º e 6º de Primaria que ten como obxectivo fomentar a actitude de superación e estimular a expresión plástica e a creatividade a partir da experiencia e achegalos ao mundo da arte.
Os obradoiros basearanse no libro Se os gatos levasen botas gobernarían as rás que ademais de ler tamén será o inicio para a actividade plástica que consistirá na reprodución das técnicas de impresión e estampación para crear novos personaxes.
