A covid19 continúa imparable a súa escalada na provincia de Lugo, nunha xornada na que un novo aumento de positivos detectados achega os casos aos 400 a un ritmo máis propio da terceira vaga.
En cifras, e segundo os datos ofrecidos polo SERGAs e recollidos ata as 6 da tarde de onte, Lugo suma 395 casos activos, logo de se detectar, nunha sola xornada 61 positivos novos.
En canto á presión asistencial a provincia continúa arroxando os mesmos datos que na xornada anterior. O Hula continúa con 3 pacientes en plantas de hospitalización e un na UCI; mentres que o Hospital da Costa continúa cun só paciente covid ingresado.
Pola súa banda, as altas médicas continúan sen ser suficientes para contrarrestar o elevado número de positivos detectados. Así, dende o inicio da pandemia, na provincia se rexistraron 12.918 altas.
