A Asociación para a Defensa Ecoloxíca de Galicia ADEGA, edita un novo número de CERNA, a maior revista sobre o medio ambiente e ecoloxía de Galiza, xa dispoñible en formato dixital. A publicación ten entre os seus contidos, a Galiza das loitas ecoloxistas. a vaga eólica, incendios forestais e os 20 anos do Prestige.
Cerna pon o foco principal, coa intención de afondar nas agresións e nas fendas que o modelo extractivista e capitalista deixa sobre o noso territorio, e nas resistencias que se tecen fronte a elas. Así pois, abre a publicación a mobilización social no Día Mundial do Medio Ambiente os fitos históricos acadados nos tribunais, coas paralizacións cautelares conseguidas por ADEGA e a Plataforma en Defensa da Cordilleira Cantábrica para o macroproxecto integrado polos parques eólicos Campelo, Bustelo e Monte Toural, os tres de Greenalia.
Tamén ten o seu espazo na revista, grazas ao avogado Fernando de Abel, a loita contra a invasión eólica perante a Comisión Europea, onde ADEGA e a Coordinadora Eólica Así Non, denunciaron a vulneración de diversas Directivas da Unión na tramitación de proxectos de enerxía renovable na Galiza. O berro do ‘Nunca Máis’. Ademais, a través das páxinas de Cerna viaxamos tamén ata Turín, onde ADEGA participou no Climate Social Camp, e ata Brasil, dende onde chega unha esperanza renovada para a educación ambiental logo da elección de Lula para un terceiro mandato. Cerna trata igualmente neste número un elemento clave nas paisaxes galegas: os valados. Faino a través de dous artigos asinados pola arquitecta Mercedes Máquez e a xornalista Xulia Lomba canda ao canteiro conservador Xosé María Lomba.
