" />

O candidato á alcaldía de Viveiro suma á súa lista ao fisioterapeuta Javier Teijeiro

O candidato á alcaldía de Viveiro, Óscar Rodríguez Blanco, suma á súa lista ao fisioterapeuta Javier Teijeiro López, quen exerce a súa profesión na localidade mariñá desde hai 23 anos. Teijeiro formará parte da candidatura coa que o PP concorrerá ás vindeiras eleccións municipais do mes de maio. O candidato á alcaldía, o empresario Óscar Rodríguez, valora moi positivamente a incorporación de Javier Teijeiro pola súa posición profesional
e política, “unha persoa cun perfil profesional, moi traballador e con mentalidade de equipo”.

Agradece a súa implicación e asegura que a súa candidatura, que se irá dando a coñecer nos vindeiros días, presentará un proxecto “atractivo e comprometido co futuro de Viveiro”, no que se verá representada a realidade social da localidade. “Unha aposta polo desenvolvemento económico e social do municipio que ofreza novas oportunidades aos veciños e veciñas e mellore os servizos que se lles ofrecen”, precisa.

Óscar Rodríguez subliña a boa sintonía e os obxectivos comúns con Javier Teijeiro, o que os levará a presentar un proxecto político para Viveiro “no que o centro serán os veciños e veciñas e as súas necesidades”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo