O Concello de Lugo activa un dispositivo especial de seguridade ante a alerta laranxa por neve na cidade

Ante as previsións meteorolóxicas dunha alerta laranxa por neve, prevista para as próximas horas, o Concello ten activo un dispositivo especial para garantir a seguridade de vehículos e peóns en todo o municipio.

Deste xeito, todos os servizos de emerxencia estarán en alerta para atender calquera incidencia que poida xurdir e para retirar a neve nas vías municipais onde dificulte a mobilidade. Ademais, o Concello informou esta mañá de que dispón dunha cantidade suficiente de sal para, no caso de ser preciso, esparexer onde sexa necesario.

A alerta afecta á cidade dende as 12 deste mediodía e espéranse precipitacións en forma de neve por riba dos 300 metros, cunha acumulación de ata uns 4 centímetros na zona centro de Lugo.

Por iso, o Concello recomenda extremar as precaucións ao volante, así como nos desprazamentos peonís ante a posibilidade de neve.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com