O Concello de Lugo vén poñer a disposición de Amtega os terreos municipais nos que se poderá instalar a torre necesaria para mellorar a cobertura móbil nas parroquias de San Pedro de Mera, Poutomillos, Bacurín e Santa Eulalia de Bóveda.
Logo de recibir a solicitude da Axencia para a Modernización Tecnolóxica de Galicia, para colaborar na localización das parcelas máis axeitadas, o concelleiro iniciou un labor de procura dos predios que o propio ente autonómico considerou como idóneos para ubicar este tipo de equipamentos.
