O Concello de Rábade organiza varias actividades con motivo do 25N.
Mañá ás 12.00 horas na Praza 28 de Maio terá lugar o acto central da campaña contra a violencia de xénero, onde se lerá un manifesto en contra deste tipo de violencia. Ao remate da lectura celebrarase o acto homenaxe ás vítimas desta lacra social.
O 27 de novembro e o 1 de decembro celebrarase un curso de autodefensa para mulleres, organizado pola Secretaría Xeral de Igualdade. Realizarase das 10.00 ás 14.00 horas no Centro Sociocultural. Para isncribirse é necesario facelo no Departamento de Servizos Sociais.
