O Concello de Lugo e Afundación están preto de acadar un acordo para permutar os terreos do antigo colexio público do Sagrado Corazón por outra parcela de titularidade municipal. Segundo Paula Alvarellos, tenenta de alcaldesa de Sostibilidade Urbana, o solar onde se emplaza o antigo CEIP “é unha superficie moi ampla, de 5.764’59 m²” e estaría tasado nuns 1.230.490 euros.
No caso de firmar o acordo, a seguinte fase do proceso sería a firma dun convenio a tres bandas, da man da Xunta, para que este organismo constrúa un novo centro de atención primaria que a cidadanía do barrio do Sagrado Corazón vén reclamando hai tempo. A concelleira afirmou que este novo centro “cumprirá á perfección o cometido de albergar unhas dependencias moi necesarias nas que se dará servizo a máis de 7.000 persoas”.
