electricidade taxas uso de dominio publico

O Concello instala máis de 40 novos puntos de luz no rural

O Concelleiro de Deportes e Medio Rural, Miguel Fernández, visitou este sábado as obras que o Concello está a levar a cabo para instalar novos puntos de luz no rural, que se suman aos preto de 6.000 existentes nas 54 parroquias. Nestas tarefas a entidade local inviste preto de 35.000 euros, instalando un total de 43 focos de tecnoloxía led duns 20 vatios, polo que teñen un consumo eléctrico moi reducido.

Fernández declarou que “deste xeito, estanse a colocar puntos de luz cos que mellora a iluminación pública nas parroquias de Bacurín, Orbazai, Bocamaos, Santa María de Muxa, Santa Comba, Bazar, Bascuas, Santa Marta de Fixós, Santa María Alta, Carballido, San Salvador de Muxa, Tirimol, Pedreda, Lamas, San Xoán do Alto e Coeo”.

Estas actuacións súmanse ás que vén realizando a brigada municipal dos servizos eléctricos do rural ao longo de todo ano, encargándose do mantemento da totalidade do alumeado público das parroquias. Entre as súas tarefas están a reposición das lámpadas ou a poda das ramas que lle afectan ao tendido eléctrico, entre outras.

Ademais, engadiu Miguel Fernández, “os operarios desta brigada están a cambiar as lámpadas de mercurio por outras de baixo consumo, que son moito máis eficientes dende o punto de vista enerxético. Na actualidade xa cambiaron 3.475 e ao longo do próximo cambiaranse as restantes. Por cada punto de luz calcúlase que se produce un aforro duns 33 euros ao ano no consumo eléctrico, o que lle supón ao Concello pagar uns 198.000 euros menos anualmente”.

 

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com