O Pavillón Municipal acolle este sábado o Campionato de Galicia Escolar de Kung Fu

O Concelleiro de Deportes e Medio Rural en funcións, Miguel Fernández, presentou este martes, na Sala de usos múltiples do Edificio de Novas Tecnoloxías, o XXXVI Campionato de Galicia escolar de Kung Fu, acompañada polo Xefe do Servizo Provincial de Deportes, Manuel Otero, e do organizador do evento, José Manuel Gómez. Esta cita chega a Lugo este sábado, 8 de xuño, logo de 4 anos, organizada pola Federación Galega de Kung Fu, adherida á campaña autonómica pola igualdade e contra a violencia de xénero, coa colaboración do Concello.

Neste evento deportivo competirán máis de 490 deportistas de diversas idades e ambos os dous sexos, procedentes de toda Galicia, no Pavillón Municipal, dende as 17:00 horas. A entrada é de balde.

Haberá distintas categorías en función da idade dos nenos e nenas participantes, benxamín, alevín e infantil. Os equipos estarán formados por 3, 4, 5 ou 6 deportistas, que poden ser do mesmo cinto, ou ter cintos consecutivos. Haberá premios aos tres primeiros clasificados e clasificadas en cada categoría, ademais dos premios Concello de Lugo, ao Campión Absoluto e ao Campión de Lugo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com