" />

O Plan Renove Electrodomésticos da Xunta suma 1018 solicitudes en Lugo

O delegado territorial da Xunta en Lugo, Javier Arias, subliñou o éxito desta convocatoria, de concorrencia non competitiva e que se solicitan a través dos comercios adheridos como entidades colaboradoras.

Neste sentido, Arias sinalou que neste momento participan na campaña 86 establecementos da provincia, se ben os comercios que o desexen teñen prazo para adherirse ata o 30 de xuño. Os particulares poden solicitar as axudas ata o 30 de setembro.

O programa, que ten por obxectivo “mellorar a eficiencia enerxética nos fogares substituíndo os electrodomésticos antigos por outros de menor consumo. Prevese que este plan permitirá a 13.000 familias galegas aforrar en conxunto 540.000 euros ao ano na súa factura eléctrica, nun momento en que a elevada inflación dos produtos enerxéticos está a impactar considerablemente nos fogares”.

As achegas do programa Galicia Renova Electrodomésticos están dirixidas a persoas que residan en vivendas localizadas en Galicia e queiran renovar os seus equipos por outros da mesma tipoloxía e coa

seguinte cualificación enerxética: frigorífico ou frigorífico conxelador A, B, C ou D; conxelador A, B, C ou D; lavadora A, B ou C; lavalouza A, B ou C; ou encimera de indución total.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo