O PP de Lugo denuncia a existencia de goteiras na pista polideportiva do Colexio Paradai produto das constantes chuvias destes últimos días. Segundo os populares, o alumnado ten que facer ximnasia nun pabillón con charcos, obrigándoos a convivir cos cubos onde se recollen as goteiras.
Nun comunicado, o grupo popular instan a que “se planifiquen estas obras lamentando que non se acometeran durante o verán”, e recordan que as obras de conservación e mantemento dos centros educativos son responsabilidade do Concello.
