" />

O PP di que Méndez se escuda tralo interventor para ocultar que tampouco este mandato tirará o Garañón

O Partido Popular ten “a sensación de sair igual que entramos” trala reunión que mantiveron co interventor para falar de temas relacionados co urbanismo. Antonio Ameijide agradece a predisposición e o bo tono do funcionario “que se limitou a respostar a cuestións técnicas” pero considera que foi “un tempo perdido no tocante a avanzar en prazos concretos de asuntos como a demolición do Garañón ou a conclusión do 5% do Plan Xeral xa que o que pediu o PP foi unha reunión cos responsables políticos que son quenes toman as decisións”.

Ameijide manifestou como “no caso das Torres das Costas do Parque vai a acabar mandato sen demoler esta mole de formingón xa que “segue na mesma situación de cando Lara Méndez chegou á alcaldía”. No tocante ao PXOM resulta “ofensivo” que lles digan aos veciños que, con probabilidade antes de rematar o ano, teñan lista a documentación para corrixir os erros detectados pola Xunta e que lles comunicaron hai anos. “O de vender como un logro unha cuestión que xa debería estar finiquitada é unha tomadura de pelo” razoaba o popular.

Por este motivo, o PP volveu pedir hoxe á alcaldesa que reciba a unha representación do Grupo Popular xa que resulta “unha cobardía que derive a súa responsabilidade política detrás dun funcionario”. Queremos que a xuntanza sexa coa alcaldesa porque este é o momento de apostar pola redacción dun novo Plan Xeral e actualizar o PEPRI.

Outra cuestión que o PP denuncia é “a negativa da alcaldesa de Lugo de recuperar a atención persoal no departamento de urbanismo” cando no resto das grandes cidades de Galicia se pode elixir entre consulta telemática ou presencial con cita. “É unha inxustiza que os veciños e veciñas de Lugo se lles castigue deste xeito porque o goberno local é incapaz de organizar este departamento”. Los populares se preguntan porque si se están atendendo con cita previa aos cidadáns noutros departamentos non se repite este mesmo patrón no de urbanismo?. Ameijide manifestaba que dende que marchou Miguel Couto agraváronse os problemas do urbanismo en Lugo. De feito o propio interventor recoñeceu que “hasta que arrancase el departamento” el sistema de atención presencial al ciudadano no se recuperaría.

Novas relacionadas

  1. Anónimo
    Dec 10, 2021 - 07:47 PM

    Nin Larita nin ninguén o tirara. Co fácil que eh!

    Reply
  2. Anónimo
    Dec 09, 2021 - 10:55 PM

    ¡ bo !

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo