Antonio AmeijideO Partido Popular no Concello de Lugo reclama melloras na seguridade viaria na contorna do Campus de Lugo ao detectaren “notables carencias” nas rúas situadas nas inmediacións das facultades.
Segundo o voceiro da formación, Antonio Ameijide, a quince días de que comecen as clases “hai rúas como Benigno Ledo, fronte á facultade de Humanidades que son “o mellor exemplo da absoluta despreocupación e desinterese dos socialistas”.
Deste xeito, salienta que “non só todas as prazas de estacionamento se atopan completamente borradas e varios pasos de peóns están totalmente despintados, senón que hai catro carrís de circulación que conflúen na rotonda da Avenida de Madrid e o acceso dende esta vía, sen que se saiba cales son as prioridades de paso”. “Mesmo un deles, nuns metros, pasa a ter sentido de circulación inverso, sen que haxa ningunha indicación ou sinalización horizontal que o reflicta”, sinala, ao tempo que incide en que “na rotonda que dá ao complexo deportivo das Pedreiras tampouco se aprecia nin unha soa marca”.
Neste sentido, Ameijide lembra que o Campus de Lugo está “á vangarda da docencia e investigación”, polo que “urxe” ao Goberno municipal a mellorar a imaxe desa contorna.
