" />

O PP visita as novas instalacións de Aspnais en Lugo

A presidenta provincial do Partido Popular, Elena Candia, portavoz popular na Deputación, visitou as novas instalacións de Aspnais no antigo hospital San José, acompañada polo presidente da entidade, Xosé Reigosa; a directora xerente da mesma, Mónica Seijas, e a directora de servizos xerais, Carmen López.

Os responsables de Aspnais mostraron as instalacións á presidenta provincial do PP. A posta en servizo da nova sede da asociación está prevista para os primeiros meses do próximo ano, según indicou Xosé Reigosa. A reforma e ampliación do antigo hospital tivo un custo de 3,5 millóns de euros. As obras están rematadas. Aspnais terá, a partir da inauguración, todos os seus servizos ubicados no antigo hospital, incluídos os talleres ocupacionais. Coas novas dependencias, a asociación disporá de 85 prazas na súa residencia (ata agora, 40). En total, entre o centro de día, o centro ocupacional e a residencia, Aspnais dispón de máis de 280 prazas.

Candia explicou que para o PP as políticas sociais son un dos principais sinais de identidade. A presidenta provincial do PP ofreceu colaboración aos responsables de Aspnais en todos aqueles aspectos nos que lles poida resultar útil. Destacou a gran relevancia social do traballo que leva a cabo Aspnais desde a súa creación e a importancia que terá a posta en servizo das súas novas instalacións.

Novas relacionadas

Unha resposta

Deixa unha resposta
  1. Avatar
    Carlos Fernandez Peleteiro
    Dec 13, 2019 - 10:04 PM

    Sen comentarios…….

    .

    Reply

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo