Reixtro Civil

O TS nega a suspensión cautelar de funcións á xuíza Pilar de Lara por “desatención”

A Sala III do Tribunal Supremo acordou hoxe que non ha lugar á suspensión cautelar da sanción de 7 meses e 1 día de suspensión de funcións imposta polo Consello Xeral do Poder Xudicial (CGPJ) á xuíza Pilar de Lara por unha falta moi grave de desatención prevista no artigo 417.9 da Lei Orgánica do Poder Xudicial.

O Supremo rexeita a suspensión cautelar pedida pola xuíza, que poñía de manifesto que a sanción implicaba a perda de destino e con iso graves prexuízos persoais e familiares.

A Sala contesta que, “ante os feitos declarados probados en vía administrativa e que determinaron a imposición da sanción, a ponderación de intereses debe inclinarse en favor do interese xeral do bo funcionamento da administración de xustiza, que require que se cumpran as sancións impostas por condutas gravemente contrarias ao mesmo, sen prexuízo do que se resolva en sentenza”.

Respecto a os supostos prexuízos derivados da perda de destino, destaca que nada impide que unha hipotética sentenza favorable a restitúa no xulgado no que agora desempeña as súas funcións. “Non hai por tanto perda de finalidade do recurso nin en canto á praza que ocupa nin en canto ás restantes consecuencias económicas ou profesionais”, di o auto.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com