" />

O virus segue en descenso na provincia cun lixeiro aumento dos contaxios

1330 casos activos. Ese é o balance que arroxa hoxe o informe do SERGAS, con datos recabados ata as 6 da tarde de onte e que supón unha nova xornada de descenso de casos. En total, 31 menos que na xornada do domingo. 

E é que, malia o aumento de positivos detectados nas últimas horas, en parte polas 49 infeccións localizadas no cribado da residencia das Gándaras (Lugo), o virus continúa remitindo e, as cifras, mellorando. 

Así, e máis en concreto, nas últimas horas os servizos sanitarios detectaron un total de 72 positivos covid en probas diagnósticas, por riba dos 50 informados onte. Pola contra 104 persoas recibían onte a alta. Así, son xa 16.239 as persoas que poden dicir que superaron o virus. 

No tocante á presión asistencial as unidades convencionais amosan unha lixeira mellora; ao rexistrar 30 pacientes ingresados fronte aos 34 contabilizados onte. Dos mesmos, 22 están no HULA (3 menos), 3 no Hospital da Mariña (1 menos), 4 no de Monforte e 1 no Polusa. Pola contra, a unidade de coidados intensivos do HULA suma hoxe un paciente e chega ata os 8 contaxiados Covid. 

Para rematar, na xornada de hoxe, de novo, non hai que lamentar ningún falecemento. En total, dende o inicio da pandemia, a provincia de Lugo sumou 225 vítimas do virus.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo