Os populares do Páramo piden a retirada dun cartel que se atopa nas inmediacións da Casa do Concello simulando unha nota necrolóxica do ex rexedor popular, Gumersindo Rodríguez Liz, acompañado dun ramo de flores, un lazo negro e unha vela. Nese sentido, pídenlle ao novo alcalde que “tome medidas e proceda a ordenar a súa retirada como máximo responsable da Casa consistorial”.
A voceira do Grupo Municipal Popular, Verónica Arias, considera que se trata “dunha absoluta falta de respecto cara á persoa que representou durante 36 anos a tódolos parameses e paramesas”. A popular cre que é “máis grave aínda” que este tipo de carteis se coloquen en instalacións de titularidade municipal.
Así, Arias lamenta que “o que foi alcalde co respaldo dos veciños e veciñas que lle outorgaron sucesivas maiorías absolutas teña que vivir agora unha amarga saída donoso Concello”.
Dende o actual grupo de goberno, aseguraron que non teñen que ver con estes feitos e lamentan o ocorrido.
Xuñ 17, 2019 - 09:36 PM
Sinvergüenzas