A coordinación dos veciños do Barrio da Tinería conseguiu que non se ocupase unha vivenda de Recanto do Miño 18 por parte de catro persoas.
Sen recuperarse aínda do susto da pasada Okupación que se viviu durante as festas de San Froilan no número 19 da Rúa Miño, volven vivir a mesma situación en menos dun mes no mesmo barrio. Segundo realatan dende a Asociación de Veciños, Comerciantes e Empresarios da Tinería “o domingo pola noite volveuse a vivr unha sensación de impotencia e de incredulidade cando una moza Okupa accedeu á vivenda subindo por un baixante dun canlón e rompendo o cristal da xanela; ao detectar a súa presenza os veciños chamaron á Policía e estes botárona; pero novamente ao dia seguinte volveu acceder á vivenda e ocupar a mesma xunto con outras persoas. Tras volver chamar aos donos que se atopaban en Almería os mesmos puxeron unha denuncia na Garda Civil e trasladouse a mesma á Policía Nacional para a súa intervención, pero por desgraza a patrulla que veu a pesar de todos os antecedentes non foi tan proactiva e alegando todos os preceptos legais que ampara a este tipo de individuos, marchouse deixando aos okupas na vivenda”.
A coordinación dos veciños a través do grupo de whatsapp que ten a Asociación, fixo que levasen a cabo xestións e se presionase aos okupas para que se fosen, conseguíndoo no día de onte.
Desde a Asociación de Veciños, Comerciantes e Empresarios da Tinería (AVECOEM dá Tinería) solicítase “maior presenza policial no Barrio, xa que se observou como os okupas seguen merodeando e oteando casas pola zona. Contribuiría a previr este tipo de situacións a instalación dunha comisaría de barrio nos locais baleiros que ten o IGVS na zona e que é unha das antigas demandas deste colectivo. Por todo o anterior, e sobre todo, porque estes feitos convertéronse nunha práctica habitual en distintos barrios da cidade, é polo que instan aos grupos políticos do Concello de Lugo que expoñan unha petición aos seus respectivos grupos parlamentarios para que se cambie o Código penal para poder desaloxar aos okupas e se endurezan as sancións para este tipo de prácticas”.
