" />

Paco Nogueiras actuará o sábado en Navia de Suarna dentro do Verán Infantil da Deputación

A  programación para público infantil da Vicepresidencia da Deputación de Lugo vai chegando ao seu fin co remate do período estival. Nesta ocasión, o espectáculo musical Extra! De Paco Nogueiras estará o sábado 18 de setembro en Navia de Suarna.

A actuación, organizada coa colaboración da Asociación de Veciños Irmandade Naviega, dará comezo ás 17.00 horas na Praza do municipio, con entrada libre ata completar a capacidade habilitada segundo as normas de prevención fronte á Covid.

Trátase dunha proposta musical baseada no libro-cd do mesmo título, editado por Kalandraka Editora, que pretende achegar ás nenas e nenos ao mundo da prensa escrita e ao xornalismo.  No espectáculo, as noticias cántanse e báilanse, coa participación do público.

O músico e actor Paco Nogueiras explica que Extra! é un “espectáculo concibido en época de pandemia, adaptado a realidade que nos tocou
vivir, e pensado para que os nenos e nenas poidan interactuar e desfrutar desde as súas cadeiras”.

A actuación forma parte da programación “Verán Infantil”, que ofertaron ao longo do verán distintas propostas escénicas e musicais para a
cativada de distintas localidades da provincia.  Ademais de Paco Nogueiras, forman parte do ciclo os espectáculos Rockeando con Ramona
Órbita de Paco Cerdeira “Pakolas”,  A Gramola Gominola, os concertos do grupo Cozorellos Salvaxes, os pasarrúas de Guateque Roll e as funcións  de clown, malabares e globoflexia de Punkdemia.  En total, programáronse 18 actuacións, en colaboración con distintas asociacións culturais e de veciños.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo