Pakolas achegará á Casa-Museo Manuel María o seu novo espectáculo musical ‘A Ramona Pequena vai á lúa’, que se celebrará o vindeiro sábado 4 de novembro ás 17.00 horas. Neste concerto, dirixido para nenas e nenos entre 3 e 10 anos, Pakolas guiará coa súa forza interpretativa e o seu humor por todo un universo musical, a través da súa voz e da súa guitarra, nun espectáculo creado polo propio autor.
O músico cantará e contará a historia de Ramona pequena. Unha máquina do tempo levará esta á súa infancia, desde alí fará vivir, aos asistentes ao concerto, unha nova aventura rockeira e didáctica chea de imaxinación e aprendizaxe.
Paco Cerdeira, é un músico, compositor e produtor que leva dedicándose ao público infantil desde xa hai máis de dezaseis anos, comezando no seus inicios, e durante dez anos, co grupo Mamá Cabra, para formar en 2014 a súa banda, A Gramola Gominola, e en 2015 o seu proxecto máis persoal Pakolas. Con este último leva editado tres traballos: Pakolas (2017), Ramona Órbita, a dona do tempo (2020) e A Ramona Pequena vai á lúa (2023).
Para asistir ao concerto é necesario reservar entrada -que custa 2 euros- no contacto@casamuseomanuelmaria.gal ou por Whatsapp no 698 177 621.
