Rematadas as obras no Portiño de Morás en Xove

O Goberno reabriu hoxe, a través da Demarcación de Costas do Estado na provincia de Lugo, o Portiño de Morás, no municipio lucense de Xove, tras finalizar as obras de acondicionamento da súa contorna.

As instalacións xa están ao dispor da cidadanía tras un investimento de 360.000 euros por parte do Ministerio para a Transición Ecolóxica. Os traballos para a recuperación ambiental da zona incluíron un proxecto etnográfico que lembra o importante pasado industrial dunha área onde se desenvolveron actividades relacionadas coa pesca e comercialización de baleas. Ademais, albergou a fabricación de dolos, grandes pezas de formigón que se empregaron, ensamblándoas entre elas, para a construción dos espigóns do porto de Alcoa. Ao longo dos traballos colocáronse varandas e cartelería explicativa, ademais de plantar céspede á vez que se eliminaba a anterior barreira vexetal. As actuacións finalizaron no prazo previsto e quedaron reabertas hoxe, tras a comunicación oficial ao Concello.

 

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com