" />

Reunión da ANPA da Anexa e o Delegado da Xunta para buscar solucións ao uso do pavillón do centro

A Xunta de Galicia e a Anpa do Ceip da Anexa reuníronse onte para buscar posibles solucións ao uso do pavillón do centro, nun encontro ao que asistiron cinco representantes da Anpa, entre eles a súa presidenta María Gallardo; o delegado territorial da Xunta en Lugo, Javier Arias, e a xefa territorial de Educación, Mariña Gueimunde.

 Arias Fouz calificou a reunión de “cordial”, sinalando que “foi un bo punto de partida para buscar solucións ao uso do pavillón do centro. Polo pronto, e tal e como quedei con eles, trasladarei as súas reivindicacións e propostas tanto ao Secretario Xeral Técnico da Consellería de Educación como ao xerente da USC, nunha próxima reunión que agardo ter nos vindeiros días”. 

 A Anpa explicou as principais reivindicacións, que pasan por manter o uso do pavillón que pertence ao centro, ademais de solicitar outras actuacións que mellorarían ao seu xuízo o funcionamento do colexio. Ademais, o delegado territorial da Xunta en Lugo destacou que “foi unha reunión frutífera; na que tamén atopamos puntos en común e que mellorou moito a comunicación, o que é indispensable para acadar solucións”.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo