Román Rodríguez resalta o “salto cualitativo” arquitectónico do novo edificio de madeira do Politécnico

O conselleiro de Cultura, Educación e Universidade, Román Rodríguez, cualificou hoxe dun “salto cualitativo dende a perspectiva arquitectónica” o novo edificio para os ciclos de carpinteiría da familia de madeira e moble que a Xunta construíu no Centro Integrado de FP Politécnico de Lugo.

En concreto, esta nova construción, de concepción “innovadora e sostible” está realizada con estrutura e acabados en madeira de orixe local, convertíndose así no primeiro edificio educativo realizado integramente neste material.

Cunha superficie útil de máis de 700m², o novo módulo alberga tres talleres, dous porches, vestíbulo, departamento de profesores e aseos, así como e local para instalacións.

O titular do departamento educativo do Goberno galego lembrou que o Politécnico vai formar parte da nova área educativa que a Xunta está a crear no centro da cidade de Lugo, “a urbe que máis investimento en obras educativas está a concentrar neste momento en toda Galicia, superior aos 8M€ no período 2020 -2021”, sinalou. Así mesmo, lembrou que o importe das obras acometidas na cidade da Muralla desde 2009 suma xa 21,2M€.

Neste sentido, o conselleiro salientou que neste curso se puxeron a disposición da comunidade educativa de Lugo o novo colexio Sagrado Corazón, cun investimento de 4,6M€, a ampliación do IES Muralla Romana (0,5M€) e os novos talleres do Politécnico, ademais de destacar as obras que se están a desenvolver no instituto Sanxillao (1,8M€).

De cara ao futuro, a Xunta continuará reforzando o seu compromiso coa renovación das infraestruturas educativas da cidade da Muralla, co fin de renovalas na súa maioría, ao abeiro do Plan de Nova Arquitectura Pedagóxica, a nova folla de ruta coa que o Goberno galego vai adaptar os centros escolares ás novas necesidades educativas, sanitarias e tecnolóxicas.

Trátase dunha iniciativa pioneira que busca reforzar un novo modelo de colexios e institutos na etapa poscovid, onde a arquitectura teña unha orientación educativa vinculada ás novas metodoloxías de aprendizaxe. Cun orzamento de 191 M€ nesta lexislatura, o plan prevé medio millar de actuacións en colexios e institutos, o que supón melloras en catro de cada dez centros escolares.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com