" />

Sancionado o propietario e os clientes dun bar de Guitiriz aberto incumprindo a Lei de Saúde de Galicia

A Garda Civil propuxo para sanción na tarde do pasado sábado a un establecemento de hostalería situado na localidade de Guitiriz por vulnerar o disposto na Lei de Saúde de Galicia, a cal castiga os feitos con sancións que oscilan entre os 100 e o 3.000 euros para os clientes e no caso do establecemento ata o 60.000 euros. Este local xa fora denunciado o pasado mes de xaneiro por feitos similares, o que sumou, xunto cos clientes, un total de 27 infraccións detectadas.

Os feitos teñen lugar no termo municipal de Guitiriz, o cal se atopa en nivel de restrición máxima por incidencia acumulada, o que conleva o peche perimetral do seu termo municipal, o peche do interior da hostalería e a prohibición de reunións de non conviventes superiores a 4 persoas.

Axentes da Garda Civil observan como hai movemento de persoas no interior dun coñecido establecemento hostaleiro, polo que ao obxecto de comprobar o cumprimento das normas de prevención do COVID atópanse no interior do local a un cliente tomando un café na barra, charlando animadamente coa camareira, e outros 5 clientes consumindo bebidas espirituosas á beira da barra.

Inspeccionada a terraza traseira, os axentes observan tamén dúas mesas ocupadas con 16 persoas non conviventes, os cales se atopan sen máscara e sen manter distancia algunha de seguridade. Tras a identificación dos clientes, comprobouse que cinco deles, vulneraron o peche perimetral ao provir de Concellos como o de Carral, Monfero, Cerceda, Ordes e A Coruña, que se achan nun nivel de restrición diferente ao da localidade de Guitiriz, polo que foron propostos para sanción.

Ademais identificouse a un mozo de 19 anos de nacionalidade Dominicana, o cal se achaba en situación irregular en España. A anécdota da xornada protagonizárona ás 18:00 horas, hora de peche do local, catro clientes da terraza do establecemento, que previamente foran denunciados, os cales preguntan aos axentes se “podemos tomarlle outra? A última”. O Instituto Armado lembra a importancia de cumprir as normas sanitarias para evitar a propagación da pandemia.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo