Sindicatos critican que a Xunta obrigue a profesores a acudir aos colexios

A suspensión das clases por parte da Xunta de Galicia como resposta ante a alerta sanitaria vén de suscitar a crítica por parte dos sindicatos de profesorado, tanto pola falta de comunicación como os profesionais para informar sobre as medidas proventivas como por obrigar aos docentes a acudir aos centros a pesar do cese temporal da actividade educativa.

A Federación do Ensino de CCOO tildou de “intolerable” que as organizacións sindicais e centros educativos conozan a suspensión a través dos medios de comunicación. Unha medida que non cuestionan os sindicatos pero que “non se viu acompañada dunha adecuada transmisión e comunicación cos profesionais e os seus representantes”.

Nesta liña, o sindicato considera unha “burla” as declaracións do presidente galego, Alberto Núñez Feijóo, nas que propoñía manter “unhas clases por Internet” na vindeira semana. Para CCOO, o presidente amosa así “un profundo descoñecemento da realidade educativa e atenta contra os principios de igualdade” porque, segundo resulta o sindicato, “non todo o alumnado” ten acceso a Internet.

Tamén falou a CIG-Ensino que se pronunciaba na mesma liña que CCOO e lamentaba a negativa da Consellería de Educación a convocar aos sindicatos para pór en común as medidas de actuación necesarias e preservar os dereitos laborais e de conciliación.

Pola súa banda, ANPE-Galicia insiste en que “non se debe obrigar” ao corpo docente a cuidar os centros e defendeu que se adopten fórmulas de teletraballo, para garantir a continuidade da actividade e ofrecer ao alumnado “garantías suficientes” para os seus estudos e protexer aos grupos de risco.

Algunhas organización xa pediron que se convoque unha reunión da Dirección Xeral de Centros e Recursos Humanos para contrastar as accións previstas en relación aos centros e ao persoal educativo.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com