Centos de traballadores do metal manifestáronse onte polas rúas de Lugo para pedir que se aplique nas súas nóminas a subida do IPC, do contrario ameazan con convocar unha folga o vindeiro 10 de maio.
A manifestación convocada por CC.OO a CIG e UGT saíu do edificio de sindicatos na rolda da muralla ao redor do mediodía de onte e percorreu diferentes rúas da cidade ata chegar a Santo Domingo.
Os traballadores solicitan á patronal que aplique nas súas nóminas a correspondente subida do IPC e que pague os atrasos pendentes, xa que “levan dende o 2021 cos salarios conxelados”.
