Tripadvisor sitúa o San Froilán entre as mellores festas do outono en España

O comparador de aloxamentos Niumba destaca o San Froilán de Lugo entre as mellores festas do outono en España, ensalzando que esta festa congrega a multitude de visitantes nos distintos actos programados cada ano, chegando a máis de duascentas nesta última edición, que contou cunha afluencia de máis de 600.000 persoas.

A Concelleira de Cultura, Turismo, Xuventude e Promoción da Lingua, Carmen Basadre, amosou a súa satisfacción por esta recomendación, que “servirá para reforzar tanto o incremento de viaxeiros a estes festexos declarados de interese turístico galego e nacional como a cidade Lugo”.

A edil tamén lles agradeceu a todos os visitantes que viñeron a Lugo e participaron en todas as actuacións e actividades programadas, destacando que “seguiremos traballando para que sexan declaradas de interese turístico internacional”.

Niumba, de TripAdvisor, é o portal líder en aluguer vacacional en España. Conta con máis de 100.000 propiedades repartidas por todas as zonas turísticas do país: grandes núcleos urbanos, praias, estacións de esquí e zonas rurais. Viaxeiros de todo o mundo visitan Niumba diariamente para atopar un lugar onde pasar as súas vacacións e escollen entre as diferentes opcións de aluguer vacacional que se anuncian no portal: apartamentos, casas rurais, bungalows, vilas, hoteis rurais, albergues, entre outros.

Novas relacionadas

Deixar unha resposta

A súa dirección de email non será publicada. Os campos requeridos están marcados *

Este sitio emprega Akismet para reducir o spam. Aprende como se procesan os datos dos teus comentarios.


Diario de información xeral sobre Lugo e a súa provincia
San Salvador de Muxa 124 27192, Lugo

WP Twitter Auto Publish Powered By : XYZScripts.com