Un bebé tivo que ser trasladado ao hospital tras unha colisión entre tres coches que tivo lugar no concello lucense de Xove.
O sinistro produciuse na avenida da Deputación. Foi un particular quen contactou co servizo de emerxencias 112 Galicia ás catro desta tarde para alertar do sinistro.
Os efectivos do CAE 112 Galicia informaron dos feitos aos Bombeiros de Viveiro, a Urxencias Médicas, ao GES de Cervo, a Protección Civil e á Garda Civil de Tráfico.
Os sanitarios mobilizaron ata o lugar unha ambulancia para atender ao bebé. Finalmente, o pequeno foi trasladado por precaución. Na zona na que aconteceu o accidente rexistráronse retencións de tráfico durante esta tarde.
