O incendio declarado esta mañá en Maderas Goiriz, en Vilalba causou danos irreparables na nave destinada ao secado da madeira. Tamén se viu afectada a cuberta e todo o material acumulado no interior, incluida algunha máquina.
Os equipos de extinción continúan traballando no lugar, aínda que o lume está controlado e arredado das naves lindeiras.
O persoal do 112 Galicia tivo constancia do incendio minutos antes das seis desta madrugada e a partir de aí activou un operativo no que participan os Bombeiros de Vilalba, membros do GES de Guitiriz e voluntarios de Protección Civil. Igualmente, foron informados os Bombeiros de Barreiros e a central de incendios forestais da zona.
