A Policía Local de Lugo detivo a un menor de idade que agrediu a súa nai por esconderlle o router. Os feitos aconteceron a primeira hora da tarde do martes, cando os axentes recibiron un aviso dun edifio na Ronda das Mercedes no que se estaba a producir nunha forte discusión nunha das vivendas.
Xa dentro do edificio, os axentes escoitaron polas escaleiras os gritos e insultos que o rapaz estaba proferindo contra súa nai, así coma fortes golpes polo peche violento das portas. Despois de chamar, o menor deixou acceder aos policías, que entrevistaron á nai e ao fillo por separado. O rapaz admitiu as agresións físicas e verbais contra súa nai porque, segundo el, lle escondera o router que lle permitía a conexión a internet, e que lle facía falta para os seus estudos.
Tras escoitar ambas versións a policía procedeu á detención do rapaz por un delito de violencia no ámbito familiar, e foi trasladado a depenecias policiais onde se instruíron as dilixencias oportunas para a súa remisión ao Xulgado de menores.
